میڈیا رپورٹس کے مطابق  ہندو یاتری ایک مذہبی تہوارمیں شرکت کےلیے گنگوتری جا رہے تھے کہ اترکشی کے پہاڑی علاقے میں ان کی بس ایک گہری کھائی میں جا گری ۔ حکام نے اس حادثے کے نتیجے میں تمام ستائیس افراد کی ہلاکت کی تصدیق کی ہے ۔ پولیس نے امدادی کارروائیاں کرتے ہوئے لاشوں کو گہری کھائی سے نکال لیا ہے ۔ واضح رہے کہ ان دنوں بھارت کے بعض علاقے  شدید بارشوں کی لپیٹ میں ہیں جس کی وجہ سے ذرائع آمدورفت بری طرح متاثر ہورہے ہیں ۔