حافظ آباد: بس کی چھت سے گر کر دو مسافر جاں بحق‘ ایک شدید زخمی

حافظ آباد (نمائندہ نوائے وقت)  سیالکوٹ سے سانگلہ ہل جانے والی بس علی چوک بائی پاس کے قریب موٹرسائیکل سے ٹکرا گئی، بس کی چھت پر سوار تین افراد محمد نواز‘ سلامت علی اور بابر حادثہ کے باعث نیچے آگرے اور بس تلے آکر کچلے گئے، زخموں کی تاب نہ لاتے ہوئے محمد نواز اور سلامت ہسپتال میں دم توڑ گئے جبکہ بابر کو تشویشناک حالت میں ہسپتال داخل کر لیا گیا ہے۔