نارنگ منڈی (نامہ نگار) سرحدی علاقہ میں نہروں میں نہاتے ہوئے 5افراد ڈوب گئے 4کو زندہ نکال لیاگیا جبکہ ایک ڈوب کر جاں بحق ہوگیا۔ بتایا جاتا ہے کہ نواحی مریدکے لنک نہرمیں 15سالہ لڑکا نبیل احمد ڈوب کر جاں بحق ہوگیا۔ متوفی گرمی کے باعث نہرکنارے نہا رہا تھا اچانک گہرے پانی میں چلاگیا تاحال نعش نہیں مل سکی۔ غوطہ خور نعش کو تلاش کررہے ہیں۔ متوفی کی ماں اپنے بیٹے کا صدمہ برداشت نہ کرتے ہوئے حواس کھو بیٹھی جبکہ ملکوال جھال کے قریب 4 نوجوان نہاتے ہوئے ڈوب گئے تاہم دوسرے نہانے والے غوطہ خوروں نے بروقت جدوجہد کرکے انہیں نکال لیا۔