آاسلام آباد (نوائے وقت رپورٹ) پیپلز پارٹی کی رہنما ناز بلوچ نے نجی ٹی وی سے بات کرتے ہوئے کہا ہے کہ تحریک انصاف میں رہی لیکن کبھی ایسا نہیں ہوا جو عائشہ گلالئی کہہ رہی ہے۔ عمران ان کا احترام کرتی تھی اور آج بھی کرتی ہوں۔ پارٹی میں تمام فیصلے مرد کرتے ہیں خواتین کو شامل نہیں کیا جاتا۔ مجھے پی ٹی آئی میں کبھی غیرمناسب پیغام نہیں ملا۔ عائشہ گلالئی کو اگر کوئی غیرمناسب پیغام ملا ہے تو مجھے نہیں پتہ، کبھی نازیبا الفاظ، پیغامات موصول نہیں ہوئے۔ عمران خان کی طرف سے ایسی کوئی حرکت نہیں دیکھی۔ میں نے پارٹی میں مردوں کی بالادستی کیخلاف استعفیٰ دیا، مجھ سے کبھی کسی خاتون نے شکایت نہیں کی۔ پی ٹی آئی کی رہنما ملائکہ رضا نے نجی ٹی وی سے بات کرتے ہوئے کہا کہ مجھے کبھی بیہودہ پیغامات نہیں ملے، خواتین کو پالیسی میکنگ میں کردار نہیں دیا جاتا۔ خواتین کی عزت نہیں، عائشہ کی بات سے متفق ہوں، نوجوانوں اور خواتین کو صرف جلسوں میں بلایا جاتا ہے۔