لاہور ( این این آئی) اداکارہ زارا اکبر ، صوبیہ خان اور نیہا بلوچ سمیت پوری ڈرامہ ٹیم انگلینڈ میں اسٹیج ڈرامہ کرنے کے بعد واپس لاہور پہنچ گئی۔ گزشتہ ماہ ایک ڈرامہ ٹیم انگلینڈ روانہ ہوئی تھی جن میں صوبیہ خان ، زارا اکبر ، نیہا بلوچ ، ناصر چینوٹی ، سلیم البیلا ، آغا ماجد ،پرویز خان اور گلفام سمیت دیگر شامل تھے ۔ مذکورہ فنکاروں نے ایک ماہ کے دوران انگلینڈ کے مختلف شہروں میں اسٹیج ڈرامے ’’خبردار ریٹرن ‘‘ کے 18شو پیش کیے ۔ اب یہ ڈرامہ ٹیم قطر ایئر ویز کے ذریعے انگلینڈ سے لاہور واپس پہنچ گئی ہے۔