شہر قائد کو کوڑے سے صاف کرنے کے لیے گلوکار علی ظفر،شہزاد رائے اور کرکٹر وہاب ریاض کلین کراچی مہم کا حصہ بن گئے۔تفصیلات کے مطابق وفاقی وزیر علی زیدی کی قیادت میں کراچی کو کوڑے سے پاک کرنے کی مہم کے اعلان کے بعد مختلف شعبہ ہائے زندگی سے وابستہ افراد کی کلین کراچی مہم کی بھرپور حمایت میں کھڑے ہوگئے۔کراچی کو کوڑے سے پاک کرنے کی مہم میں نامورگلوکار علی ظفر،شہزاد رائے اور کرکٹر وہاب ریاض پیش پیش ہیں جبکہ جاوید آفریدی،کرس جارڈن،ڈیوڈ مالان اور حسن علی سمیت کئی شخصیات نے مہم کی حمایت کردی ہے۔سینئر اداکار، ڈرامہ نگار و میزبان انور مقصود نے وفاقی وزیر علی زیدی کو خراج تحسین کیا ہے اور ویڈیو پیغام کے ذریعے کراچی کی صفائی کی مہم کی حمایت کا اعلان کیا ہے۔