ساہیوال‘ جڑانوالہ (نمائندہ نوائے وقت) جڑانوالہ اور ساہیوال میں 2 موٹرسائیکل حادثے ہوئے۔ جن میں ماں بیٹی اور 2 دوستوں سمیت 5 افراد جاں بحق ہو گئے۔ ساہیوال سے نمائندہ نوائے وقت کے مطابق نواحی گائوں 65/4-R کا رہائشی 20 سالہ آصف اپنے دوست علی رضا کے ہمراہ موٹرسائیکل پر گھر جا رہا تھا کہ تیزرفتار  کار کی ٹکر کے نتیجہ میں دونوں موقع پر ہی جاں بحق ہوگئے۔ حادثہ کے بعد ڈرائیور کار چھوڑ کر فرار ہو گیا۔ پولیس تھانہ نور شاہ نے کار کو قبضہ میں لیکر تفتیش شروع کر دی ہے۔ جڑانوالہ سے نمائندہ نوائے وقت کے مطابق  تھانہ ستیانہ کے نواحی گائوں چک نمبر 33گ ب کا رہائشی اللہ دتہ اپنی رشتہ دار خاتون ارشاد بی بی زوجہ بشارت اور اس کی بیٹی خضراں بی بی کو موٹر سائیکل پر لے کر فیصل آباد ستیانہ روڈ پر جا رہا تھا کہ سٹاپ کے قریب سامنے سے آنے والی تیز رفتار ویگن کے ساتھ ٹکر ہوگئی۔ جس کے نتیجہ میں ارشاد بی بی اور اس کی بیٹی خضراں موقع پر ہی جاں بحق جبکہ اللہ دتہ بھی ہسپتال میں دم توڑ گیا۔ پولیس ستیانہ نے موقع پر پہنچ کر کارروائی شروع کر دی۔