چمگادڑوں کو مارنے پر سندھ  وائلڈ لائف کی پولیس پر تنقید

نواب شاہ (بیورورپورٹ)نواب شاہ میں چمگادڑوں کی نایاب نسل کو گولی مارنے پر سندھ وائلڈ لائف کی جانب سے پولیس پر تنقید کی گئی ہے۔ واضح رہے کہ گذشتہ دنوں نواب شاہ پولیس نے چمگادڑ کی نایاب نسل فلائنگ فوکس کی بڑی تعداد کو فائرنگ کرکے ہلاک کردیا تھا جس کی وجہ یہ بتائی گئی تھی کہ چمگادڑیں فصلوں کونقصان پہنچارہی ہیں اور انسانوں پر بھی حملے کرتی ہیں۔اس حوالے سے سندھ وائلڈ لائف کا کہنا ہے کہ فلائنگ فوکس یا فروٹ بیٹ(Bat) انسانوں پر حملہ نہیں کرتیں ۔بلکہ یہ قدرتی ماحول میں بیج کے پھیلاؤ میں مدد کرتی ہیں ، فلائنگ فوکس کو مارنا یا تنگ کرنا ماحولیاتی نظام کے نقصان کی وجہ بن سکتا ہے ۔