اسلام آباد(اپنے سٹاف رپورٹر سے)ڈکیتی ، چوری کی وارداتوں میں شہری نقدی ، زیورات ، کار اور سات موٹر سائیکلوںسے محروم کر دئے گئے تھانہ سہالہ کو ناز سلیمان نے بتایا کہ ڈی ایچ اے میں نامعلوم چوروں نے گھر سے 10ہزار درہم، ہیرے کی 2انگوٹھیاں چوری کرلیں،تھانہ سہالہ کو عمران شعبان بھٹی نے بتایا کہ سواں کیمپ میں نامعلوم خواتین نے پرس چرا لیا جس میں 15ہزار روپے، طلائی زیورات مالیتی 15ہزار روپے ، اے ٹیم کارڈز تھے، تھانہ بہارہ کہو کو زاہد گل نے بتایا کہ کوٹ ہتھیال میں ڈرائیورشہزاد محمود مہران گاڑی LRL-7770نامعلوم افراد نے چھین لی، تھانہ گولڑہ کو عزیز شوکت نے بتایا کہ ای الیون تھری میں نامعلوم افراد نے دوکان میں داخل ہو کر موبائل فون ،ایک لاکھ 40ہزار روپے اور کارڈز چھین لئے، تھانہ سبزی منڈی کو ملک نصرت محمود نے بتایا کہ سبزی منڈی میں نامعلوم افراد نے دوکان میں داخل ہو کر 8لاکھ روپے اور موبائل فون چھین لیا، تھانہ بنی گالہ کو راجہ سہیل احمد نے بتایا کہ عباسی چوک میں نامعلوم موٹرسائیکل سوارو دوکان میں داخل ہوئے اور 1لاکھ50ہزار روپے، موبائل فون چھین لئے۔
، تھانہ گولڑہ کے علاقے سے محمد عثمان کا موٹرسائیکل، اٹھال چوک سے فضل الرحمان کیانی کاموٹر سائیکل،تھانہ آبپارہ کے علاقے سے لال محمد کا موٹر سائیکل،G 12 سے محمد یوسن خان کا موٹر سائیکل، ایف تین مرکز سے عزیز الرحمان کاموٹرسائیکل، غوری ٹائون سے حسنین احمد کا موٹر سائیکل، آئی نائن فور سے ڈاکٹر مہران خان کا موٹرسائیکل چوری ہو گئے۔