فلپائن کے سابق صدر فیڈل  راموس  انتقال  گرگئے

منیلا(اے پی پی)فلپائن کے سابق صدر فیڈل راموس  انتقال  گرگئے ۔  چینی خبر رساں ادارے کے مطابق فلپائن کے سابق صدر فیڈل راموس  94 سال کی عمر میں  کووڈ۔19 کے  باعث انتقال کر گئے ہیں۔
۔ فلپائنی صدر فرڈینینڈ روموالڈیز مارکوس کے پریس سیکرٹری روز بیاٹرکس کروز اینجلس نے راموس کی موت کی تصدیق  کرتے ہوئے کہا کہ سابق صدر کے انقال کی خبر انتہائی افسوس ناک  ہے۔  انہوں نے  کہاکہ ہم ان کے خاندان کے ساتھ دل کی گہرائیوں سے تعزیت کرتے ہیں ۔  فیڈل راموس  18 مارچ 1928 کو منیلا کے شمال میں صوبہ پانگاسینان میں پیدا ہوئے، راموس ایک فوجی رہنما اور سیاست دان تھے جو 1992 سے 1998 تک فلپائن کے 12ویں صدر رہے۔راموس نے فلپائن کی مسلح افواج کے چیف آف سٹاف کے طور پر  بھی خدمات  سر انجام دیں ۔صدر کے طور پر انہوں نے ٹیکس اور معیشت میں اصلاحات کی حوصلہ افزائی کی، جس سے جنوب مشرقی ایشیائی ملک میں معیشت کو بحال کرنے میں مدد ملی۔ 
فلپائینی صدر انتقال