لاہور(نامہ نگار)سی سی پی او لاہور ایڈیشنل آئی جی غلام محمود ڈوگر نے اقبال ٹاؤن ڈویژن میں امام بارگاہوں،عزاداری جلوسوں کے روٹ کا دورہ کیا۔سی سی پی او غلام محمود ڈوگر نے عزاداری جلوسوں کے روٹ پر سکیورٹی انتظامات کا جائزہ لیا۔غلام محمود ڈوگر نے شیعہ کمیونٹی لیڈرز، منتظمین امام بارگاہو ں،بانیان ،جلوس لائسنس ہولڈرز سے ملاقات کی۔انہوں نے کہا کہ تمام مجالس اور عزاداری جلوسوں کو بھرپور سیکورٹی فراہم کر رہے ہیںعلاوہ ازیں سی سی پی اولاہور غلام محمود ڈوگر کی صدارت میں اقبال ٹاؤن ڈویژن امن کمیٹی کا اجلاس منعقد ہوا۔ غلام محمود ڈوگر نے کہا کہ امام بارگاہوں، مجالس اور جلوسوں کی سکیورٹی و سیفٹی پر کوئی سمجھوتہ نہیں ہوگا۔آخر میں سی سی پی او کی زیر صدارت پنجاب سیف سٹیز اتھارٹی میں اہم اجلاس منعقد ہواچیف آپریٹنگ آفیسر محمد کامران خان کی عزاداری جلوس کے روٹس پر سی سی ٹی وی کیمروں کی تنصیب اور مانیٹرنگ میکانزم کے علاوہ ہیلپ لائن 15 کی کالز کے تجزیے،کرائم ٹرینڈ،کرائم ہاٹ پاکٹس اور سنگین جرائم ہونے کے عمومی اوقات بارے بھی بریف کیا۔سی سی پی او لاہور نے ہدایت کی کہ مجالس اور عزاداری جلوسوں کے انٹری پوائنٹس پر سی سی ٹی وی کیمروں کی تنصیب یقینی بنائیں۔انہوں نے مرکزی عزاداری  جلوسوں کے روٹس پر پورٹ ایبل کیمروں کی تعداد بڑھانے کی ہدایت کی۔