ننکانہ صاحب(نامہ نگار)ننکانہ صاحب میں نئے تعینات ہونیوالے ڈی پی او نے اپنے عہدے کا چارج سنبھال لیا۔ تفصیلات کے مطابق ڈسٹرکٹ ننکانہ صاحب میں نئے تعینات ہونے والے ڈی پی او سید خالد محمود ہمدانی نے اپنے عہدے کا چارج سنبھال لیا۔ ڈی پی او کی دفتر آمد پر ضلعی پولیس کے چاق و چوبند دستے نے ڈی پی او کو سلامی پیش کی۔ ڈی پی او نے تمام ڈی ایس پیز اور ہیڈ برانچز سے میٹنگ کی۔ دوران میٹنگ ڈی پی او نے کہا کہ عوامی جان و مال کا تحفظ اور جرائم کا انسداد میری اولین ترجیح ہو گی۔
ضلعی پولیس کی ویلفیئر اور مثالی کارکردگی کے لیے تمام ممکنہ اقدامات بروئے کار لاوں گا۔ ہیڈ برانچز اور دیگر دفتری سٹاف وقت کی پابندی کو یقینی بناتے ہوئے کار سرکار کی انجام دہی کو مزید بہتر بنائیں۔