گوجرانوالہ (نمائندہ خصوصی) چیمپیئن گوجرانوالہ پہلوان عدنان ٹائرانوالہ کی زیر سرپرستی منڈیالہ وڑائچ میں استاد لیاقت علی باجوہ میموریل دنگل کشتی کا انعقاد ،جسمیں پنجاب بھر کے نامور پہلوانوں نے حصہ لیا اس موقع پر سینکڑوں کی تعداد میں شائقین موجود تھے جبکہ سٹی نائب صدر پی ٹی آئی گوجرانوالہ چوہدری عمر فاروق گوندل اور چوہدری عثمان غنی جٹ بطور مہمان خصوصی شریک تھے جنہوں نے کشتی مقابلے جیتنے والے پہلوانوں میں انعامات تقسیم کیے اور انکی حوصلہ افزائی بھی کی اس موقع پر مہمان خصوصی چوہدری عمر فاروق گوندل نے شائقین و پہلوانوں سے خطاب کرتے ہوئے کہا کہ ہمارے ملک پاکستان میں فن پہلوانی میں نوجوانوں میں ٹیلنٹ کی کمی نہیں  بد قسمتی سے اس فن سے وابستہ نوجوان پہلوانوں کی سرکاری سطح پر حوصلہ افزائی نہیںہوئی جس سے کئی پہلوان دلبرداشتہ ہوچکے اور اکھاڑے بھی کم پڑ گئے،ہمارا حکمرانوںسے مطالبہ ہے کہ  فن پہلوانی کی سرکاری سطح پر حوصلہ افزائی کرکے کشتی  مقابلوں کو مزیدفروغ دیا جائے ۔