لاہور(سپورٹس رپورٹر)پاکستان ہاکی ٹیم ایشین ہاکی چیمپئنز ٹرافی میں شرکت کے لیے بھارت کے شہر چنئی پہنچ گئی۔چنئی پہنچنے پر ہاکی ٹیم کا روایتی ڈھول اور مقامی ثقافتی ڈانس سے استقبال کیا گیا، قومی ٹیم کے کھلاڑیوں کو پھولوں کے ہار پہنائے گئے۔قومی ہاکی ٹیم کے کھلاڑیوں کا بھارتی عہدیداران کیساتھ گروپ فوٹو بھی لیا گیا۔ایشین ہاکی چیمپئنز ٹرافی کیلئے قومی سکواڈ صبح واہگہ کے راستے بھارت گیا تھا، عمر بھٹہ کی قیادت میں ٹیم براستہ امرتسر چنئی پہنچی۔پاکستان کا پہلا میچ تین اگست کو ملائیشیا سے ہوگا، بھارت سے مقابلہ 9  اگست کو شیڈول ہے۔