امارات گروپ نے ڈاؤن ٹاؤن میں میگا ڈاؤن ٹاون ایونٹس سیریزکا آغاز کر دیا

لاہور(کامرس رپورٹر)پاکستان کی سب سے بڑی رئیل سٹیٹ اور ٹیکنالوجی کمپنی امارات گروپ نے اپنے فلیگ شپ پروجیکٹ امارات ڈاؤن ٹاؤن میں میگا ڈاون ٹاؤن ایونٹس سیریز کا کامیابی سے آغاز کیا ہے۔ افتتاحی تقریب میں ملک کی اہم کاروباری شخصیات کی ایک بڑی تعداد نے شرکت کی اور مال آف امارت کے ہیڈ آفس کے شاندار افتتاح کو سراہا۔چیئرمین امارات گروپ شفیق اکبر نے تقریب سے خطاب کرتے ہوئے امارات ڈاؤن ٹاؤن کی سٹریٹجک اہمیت پر روشنی ڈالی۔ ان کا کہنا تھا یہ پراجیکٹ پاکستان کا سب سے باوقار مربع کلومیٹر ہونے کیلئے تیار ہے۔ انہوں نے اس پراجیکٹ کی ترقی اور کامیابی کے امکانات پر تفصیلی روشنی ڈالی۔ چیئرمین امارات گروپ نے کہا کہ امارات گروپ نے ہمیشہ اپنے کلائنٹس کے بہترین مفادات کو ترجیح دی ہے اور ہمیں اس بات پر فخر ہے کہ ہم جو وعدہ کرتے ہیں اسے بہتر انداز میں پورا کرتے ہیں۔پچھلے 8 سالوں میں امارات گروپ پاکستان کی خدمت میں پیش پیش ہے اور ملک کی ترقی اور خوشحالی کے وژن میں اپنا حصہ ڈال رہا ہے۔تقریب کے دوران گروپ ڈائریکٹر فرحان جاوید نے پائیدار ترقی کی اہمیت پر زور دیا اور ایک جامع پراپٹیک ایکو سسٹم متعارف کرایا جو شہری منصوبہ بندی اور انٹیلیجنٹ کلائنٹ مینجمنٹ پر مرکوز ہے