لاہور(سپورٹس رپورٹر)ترجمان پی سی بی کا کہنا ہے کہ سکیورٹی منیجرز یا کنسلٹنٹس اب پلیئر سپورٹ سٹاف کا حصہ ہوتے ہیں۔ کنسلٹنس بالکل ایسے ہی ہیں جیسے میڈیا منیجر اور ٹیم ڈاکٹر ہوتے ہیں۔ آئی سی سی مینز سیریز اور باہمی سیریز میں سکیورٹی منیجرز ٹیم کے ہمراہ ہوتے ہیں۔ بنگلہ دیش کرکٹ بورڈ اگر سکیورٹی کنسلٹنٹ کو ٹیم مینجمنٹ کا حصہ بنانا چاہتا ہے تو یہ ان کا اختیار ہے۔ اب تک بی سی بی نے کسی طرح کے بھی سکیورٹی تحفظات کا اظہار نہیں کیا۔ بنگلادیش کے ساتھ سکیورٹی پلان گزشتہ ماہ شیئر کیا جا چکا ہے۔