لکسمبرگ کی 61 سالہ نائی شیااولمپکس تاریخ کی معمر ترین کھلاڑی

لاہور(سپورٹس رپورٹر)لکسمبرگ کی 61 سالہ نائی شیا اولمپکس کی تاریخ کی ٹیبل ٹینس میچ جیتنے والی معمر ترین کھلاڑی ہیں۔4 جولائی 1963 کو پیدا ہونے والی نائی شیا نے ترکیہ سے تعلق رکھنے والی 31 سالہ سیبل کو شکست دے کر یہ اعزاز حاصل کیا۔ 31 جولائی کو وہ اولمپکس کی تاریخ کی شکست کھانے والی معمر ترین کھلاڑی کا ریکارڈ بھی اپنے نام کرنے میں کامیاب رہیں۔انہیں چین کی ورلڈ نمبرون کھلاڑی 23 سالہ سن ینگشا نے شکست دی۔ سن ینگشانائی شیا سے 38 سال کم عمر تھیں بلکہ وہ حریف کے سب سے چھوٹے بیٹے سے بھی 9 سال چھوٹی تھیں۔اگرچہ چینی کھلاڑی نے میچ جیت لیا مگر وہاں موجود تماشائیوں نے کھڑے ہوکر نائی شیا کیلئے تالیاں بجائیں۔جوان کھلاڑی انہیں احتراماً آنٹی کہتے ہیں۔وہ اب تک 6 بار اولمپک مقابلوں میں شرکت کرچکی ہیں۔