نارنگ منڈی( نمائندہ نوائے وقت) کاروباری مرکز تھانہ روڈ ٹرانسفارمر کئی ہفتوں سے خراب تاجر برادری کا مین شاہراہ بلاک کرکے احتجاج اگر فوری ٹرانسفارمر نہ لگایا گیا تو تمام کاروباری مراکز بند کر دیں گے لیسکو اہلکار ٹرانسفارمر درست کرنے کے لئے پیسے مانگ رہے ہیں لوگ مہنگی بجلی بل جمع کرائیں کہ ٹرانسفارمر درستگی کے لئے پیسے ادا کریں ۔ تفصیلات کے مطابق نارنگ شہر کے کاروباری مرکز تھانہ روڈ کا ٹرانسفارمر کئی ہفتوں سے خراب ہے ٹرانسفارمر ایک دفعہ درست کر کے لگایا گیا جس کیلئے ہزاروں روپے وصول کئے گے مگر ٹرانسفارمر اگلے روز ہی جواب دے گیا جو تاحال تبدیل نہیں کیا گیا جس پر تاجر برادری نے شدید احتجاج کرتے مرکزی شاہراہ بند کر دی جس سے گاڑیوں کی لمبی قطاریں لگ گئیں ۔ تاجر رہنمائوں کا کہنا لیسکو اہلکاروں نے پہلے بھی پیسے وصول کئے اب پھر پیسوں کی ڈیمانڈ کی جا رہی ہے ۔چیف لیسکو شاہد حیدر سے مطالبہ کرتے ہیں کہ ہمارا ٹرانسفارمر فوری لگوایا جائے ۔