شہدا ء ہمارا اثاثہ ، لازوال قربانیاں ہمیشہ یاد رکھی جائیں گی، بینش فاطمہ

راولپنڈی(اپنے سٹاف رپورٹر سے)ایس پی سی آئی اے بینش فاطمہ کی زیر صدارت پولیس لائنز ہیڈ کوارٹرز میں میٹنگ کا انعقاد کیا گیا،میٹنگ میں ڈی ایس پی ہیڈ کوارٹرز، ڈی ایس پی ایڈمن سمیت انچارج برانچز نے شرکت کی، ایس پی سی آئی اے  نے یوم شہدا ء ے حوالے سے انتظامات اور تیاریوں کا جائزہ لیا اور ہدایات دیں،میٹنگ میں یوم شہدا کے حوالے سے کیے جانے والے انتظامات کوحتمی شکل دی گئی،ایس پی سی آئی اے بینش فاطمہ کا کہنا تھا کہ 4 اگست یوم شہدا پولیس، شہدا کی قربانیوں کو خراج تحسین پیش کرنے اور تجدید عہد کا دن ہے،جسے بھر پور جوش و جذبے سے منایا جائے گا،شہدا ہمارا اثاثہ ہیں جن کی لازوال قربانیوں کو ہمیشہ یاد رکھا جائے گا۔