کلرسیداں(نامہ نگار)کلر سیداں کے قریب چوری کی واردات میں نامعلوم ملزمان چالیس من لہسن چوری کر کے لے گئے۔محمد اشرف نے مقدمہ درج کروایاکہ میں سہی راجگان میں نے 50کنال رقبے پر لہسن کی فصل کاشت کر رکھی تھی جس کی کٹائی کروا کر 100من لہسن خشک کرنے کیلئے اپنی زیر تعمیر کوٹھی میں رکھ دی تھی جو نامعلوم ملزمان رات کی تاریکی میں چوری کر کے لے گئے۔ دریں اثنا وحید احمد نے 15پر کال کر کے نوٹ کروایا کہ دو نامعلوم ملزمان جو موٹر سائیکل پر سوار تھے نے میر ا موبائل فون مالیتی دس ہزار روپے چھین لیا اور موقع سے فرار ہو گئے۔دریں اثنا زریاب نامی شخص نے 15پر کال کر کے اطلاع دی کہ چار نامعلوم ڈاکو روڈ پر ڈکیتی کر رہے ہیں جس پر پولیس موقع پر پہنچ گئے اور تحقیق کرنے پر اطلاع غلط ثابت ہوئی۔ایک اور کالر عبدالوحد نے 15پر نوٹ کروایا کہ کسی نے اس کی جیب سے موبائل فون چوری کر لیا ہے۔اسی طرح ناظرہ فردوس نے 15پر اطلاع دی کہ کسی نے اس کا موبائل فون چوری کر لیا ہے۔کالر محمد رئیس نے اطلاع دی کہ دو موٹر سائیکل سوار وں نے اس سے موبائل فون اور نقدی چھین لی ہے۔کامران اختر نے 15پر ڈکیتی کی اطلاع دی جو بعد ازاں غلط ثابت ہوئی۔ادھر حسن نامی شخص نے بتایا کہ اس کی دکان سے نامعلوم ملزمان سامان چوری کر کے لے گئے ہیں۔ادھر تفتیشی آفسران کا کہنا ہے کہ 15پر بیشتر کالیں غلط ثابت ہوئی ہیں جس پر جھوٹی اطلاعات دینے والوں کیخلاف کارروائی کی جا رہی ہے۔