لاہور میں ہونے والی تقریب میں پاکستان کرکٹ ٹیم کے کھلاڑیوں مصباح الحق،محمد حفیظ، عمر گل،عبد الرزاق اور اظہر علی کے ساتھ ساتھ پاکستان کرکٹ ٹیم کے منیجر انتخاب عالم اورکرکٹ بورڈ کے عہدیداروں نے بھی شرکت کی۔ منیجر قومی ٹیم انتخاب عالم نے میڈیا کے نمائندوں سے گفتگو کرتے ہوئے کہا کہ بد قسمتی سے ورلڈ کپ کے میچز پاکستان میں نہیں ہو رہے، تاہم ہماری کوشش ہوگی کہ ٹیم ورلڈ کپ میں بہترکارکردگی دکھائے ۔ اس موقع پر ٹیسٹ ٹیم کے کپتان مصباح الحق کا کہنا تھا کہ ٹیم آئندہ دورہ نیوزی لینڈ میں بہتر پرفارمنس کے لئے پرامید ہے، کرکٹ ورلڈ کپ کا آغاز اگلے سال فروری میں ہوگا اورتمام میچز بھارت، سری لنکا اور بنگلا دیش میں کھیلے جائیں گے۔