ہالی ووڈ سپر سٹار ٹام کروز نے ایکشن اور سنسنی سے بھرپور اپنی نئی فلم مشن امپاسبل فور کی پروموشن کے لیے جاپان کا انتخاب کیا ہے۔ ٹوکیو پہنچنے پر ٹام کروز کے مداحوں نے ان کو پرجوش ویلکم کیا۔ فینز کی بڑی تعداد ہالی ووڈ سٹار کی ایک جھلک دیکھنے اور ان سے آٹو گراف لینے کے لیے امڈ پڑی۔ پرموشن تقریب سے خطاب کرتے ہوئے ٹام کروز نےسونامی اور زلزلوں جیسی بڑی قدرتی آفات کا بہادری سے مقابلہ کرنے پر جاپانیوں کے جذبے کو سراہا۔ فلم مشن امپاسبل فور سات دسبمر کو ریلیز ہورہی ہے جبکہ جاپان میں فلم سولہ دسمبر کو نمائش کے لیے پیش کی جائے گی۔