ملک کے بیشتر شہروں میں سی این جی اسٹیشنز نہ کھل سکے جس کے باعث صارفین شدید پریشانی سے دوچارہیں۔

ملک بھرمیں سی این جی کے لیے لوگوں کو شدید مشکلات کا سامنا کرنا پڑرہا ہے۔ فیصل آباد میں سی این جی اسٹیشنز تین روزہ ہفتہ وار بندش کے بعد بھی نہیں کھل سکے جبکہ لاہورکے شہری گزشتہ ایک ہفتے سے سی این جی سے محروم ہیں اورشہرمیں چند ایک سی این جی اسٹیشنز کھلے ہیں تو وہاں گاڑیوں کی لمبی قطاریں ہیں۔ ملتان اورمیانوالی میں بھی صارفین خالی سلنڈر لیے سی این جی کی تلاش میں مارے مارے پھرتے رہے۔ رکشہ اور ٹیکسی ڈرائیور حضرات سی این جی نہ ملنے کا غصہ عوام پرنکالتے ہوئے مرضی کے کرائے وصول کرنے لگے ہیں۔