متحدہ عرب امارات میں تینتالیسواں قومی دن جوش و جذبے کے ساتھ منایا جا رہا ہے۔ مختلف تقریبات کا اہتمام کرنے کے علاوہ اہم عمارتوں کو رنگ برنگی روشنیوں سے سجایا گیا ہے

عرب ٹی وی کی رپورٹ کے مطابق متحدہ عرب امارات میں قومی دن کے موقع پر مختلف شہروں میں خصوصی تقریبات منعقد کی جا رہی ہیں،، قومی دن کے موقع پر لوگ روایتی موسیقی پر رقص کرتے ہوئے خوشیاں منا رہے ہیں،، برج العرب سمیت اہم عمارتوں کو مختلف رنگ کی روشنیوں سے سجایا گیا ہے،، دبئی میں منعقدہ ایک تقریب میں ہزاروں افراد قومی دن کے موقع پر ملکی پرچم تھامےترانے گا رہے ہیں،، عرب ٹی وی کی رپورٹ کے مطابق شام چھ بجے برج العرب پر شاندار آتشبازی کا مظاہرہ کیا جائے گا،،جسے دیکھنے کے لیے ہزاروں سیاح دبئی میں پہنچ چکے ہیں۔۔