لاہور(پ ر) روٹری کلب آف لاہور گرڈنز کے زیراہتمام الحمراء آرٹ گیلری میں گزشتہ روز ممتاز کیلی گرافراور مصور ڈاکٹر اعجاز انور نے نوجوان مصور برکات کی تصویروں اور دیدہ زیب فن پاروں کی نمائش کا افتتاح کردیا۔ ایونٹ کی آرگنائزر زوبینہ قریشی، ڈاکٹر عرشیہ قاسم، ڈاکٹر صوبیہ شاہد اور احمد حسنات نے گفتگو کرتے ہوئے کہا کہ ان فن پاروں کی نمائش کے توسط سے حاصل ہونے والی رقم روٹری فائونڈیشن کے قائم کردہ پولیو پلس فنڈ میں جمع ہوگی۔ نامورمصور برکات ڈاکٹر اعجاز انور کے شاگرد ہیں ان کے 60 سے زائد فن پارے نمائش میں رکھے گئے ہیں۔