پی آئی اے نے لاہور سے اومان شہر صلالہ کیلئے ہفتہ میں 2پروازیں شروع کردیں

لاہور(خبر نگار)پی آئی اے نے لاہور سے اومان کے شہر صلالہ کےلئے پروازوں کا آغاز کر دیا ۔ پہلی پرواز PK235 گذشتہ روز 85 مسافروں کو لے کر لاہور سے دوپہر 12.30 پر روانہ ہوئی۔ صلالہ کے لئے ہفتہ وار 2 پروازیں جمعرات اور اتوار کے روز لاہور سے براہ راست روانہ ہوا کریں گی۔ترجمان پی آئی اے کے مطابق پی آئی اے پہلے ہی مسقط کےلئے پروازیں چلا رہی ہے ،ان 2 نئی ہفتہ وار پروازوں کے اضافہ سے پی آئی اے کے مسافروں کو براہ راست سفر کی سہولت میسر آئے گی اور دونوں ممالک کے درمیان تعلقات کو مزید فروغ حاصل ہو گا۔