پتاہے پنجاب میں پولیس کوکیسے استعمال کیاجاتاہے، تھرمیں ایک ہزارسے زائدآراوپلانٹس لگائے:وزیراعلی سندھ

وزیراعلیٰ سندھ مراد علی شاہ نے کہا ہے کہ مجھے پتاہے پنجاب میں پولیس کوکیسے استعمال کیاجاتاہے،سندھ پولیس کی طرف سے کوئی شکایت نہیں ہونے دیں گے، تھرمیں ایک ہزارسے زائدآراوپلانٹس لگائے، سندھ کے عوام تک پانی پہنچانے کے لیے نہریں پکی کرواکر عوام کے لیے پانی کی فراہمی کو یقینی بنایا ،ہمیں ووٹ طاقت کی بنیاد پر نہیں بلکہ خدمت کرنے پر ملے ہیں ۔ان خیالات کا اظہار انہوں نے صادق آباد میں جلسہ عام سے خطاب کرتے ہوئے کیا۔ سید مراد علی شاہ کا کہنا تھا کہ پیپلزپارٹی لوگوں کی خدمت کرکے ووٹ لیتی ہے،ہمیں قیادت کایہی سبق ہے کہ عوام کی خدمت کرنی ہے۔تھر کی 6 میں سے 5 سیٹیں پیپلزپارٹی نے جیتی ہیں۔2008 میں تھر سے پیپلزپارٹی کو ایک بھی نشست نہیں ملی تھی ۔