لاہور( نامہ نگار)پیپلز پارٹی پنجاب کے پارلیمانی لیڈر و ترجمان سید حسن مرتضی نے کہا ہے کہ عمران خان مظفر آباد جلسہ دیکھ لیں،آپ کو علم ہوجائے گا کہ جمہوری طاقت کا جلسہ کیسا ہوتا ہے لیکن آپ تو کونسلر کا انتخاب بھی نہیں جیت سکتے ہیں۔ بلاو ل بھٹو زرادری میں ذوالفقارعلی بھٹو کا خون دوڑ رہا ہے، بلاول بھٹو زرداری نے مظفر آباد میں تاریخ ساز خطاب کرکے ثابت کردیا ہے کہ وہ جمہوریت کی علامت ہیں اورعوام کی امید ہیں۔حکومت دیکھ لے کہ پیپلزپارٹی آج بھی زندہ ہے ،عمران خان آپ کو علم نہیں ہے کہ جمہوریت کیا ہے ۔ بلاول بھٹو زرداری کا یہ موقف اصولی ہے کہ عمران کی سوچ سے جمہوریت اور آئین کو خطرہ ہے۔ عمران نیازی چند ماہ میں یہ تبدیلی لائے کہ ہر شعبہ میںبے چینی کی صورت حال پیدا ہوگئی۔