پیرمحل (نامہ نگار) لمبی مونچھوں والے شخص نے سرکاری ملازمت اور گنیز بک آف ورلڈ ریکارڈ میں نام درج کروانے کا مطالبہ کردیا۔ پیرمحل کے نواحی گائوں 321گ ب کھمان والی کے رہائشی محمد غلام غوث نے بتایا کہ اس کی مونچھوں کی لمبائی 2فٹ سے زائد ہے۔ مونچھوں کی بہتر نشوونماء کے لئے وہ ہر روز دیسی گھی، مکھن، سرسوں کا تیل اور شیمپو کا استعمال کرتا ہے۔ غریب ہونے کے ناطے وہ سکیورٹی گارڈ کی نوکری کرنے پر مجبور ہے۔ محمد غلام غوث نے حکومت سے مطالبہ کیا ہے کہ اسے سرکاری ملازمت فراہم کرنے کیساتھ اس کا نام گنیز بک آف ورلڈ میں درج کروایا جائے۔