اداکار فیصل قریشی نے کہا کہ انہیں بھارتی شائقین کی جانب سے ڈرامہ سیریل "بابا جانی" کی پسندیدگی کے لئے بہت پیغام موصول ہورہے ہیں۔ انہوں نے کہاکہ وہ بہت خوش ہیں کہ پاکستان کے ساتھ ساتھ بھارتی شائقین بھی ان کی اداکاری کو سراہ رہے ہیں اور ان کے کردار "اسفند یار " کو پسند کررہے ہیں۔ انہوں نے کہا کہ زین 5 پر پاکستانی ڈراموں کی مقبولیت میں اضافہ اس بات کا ثبوت ہے کہ ہمارے ڈراموں کا مواد اور معیار منفرد ہے۔ یاد رہے ڈرامہ سیریل "بابا جانی" زین 5 پر دکھایا جارہا ہے اور بھارت میں اس کی مقبولیت میں بہت اضا فہ ہورہا ہے۔