پنڈی بھٹیاں(نامہ نگار)دلیکی سے پنڈی بھٹیاں کی جانب آنے والے نالے کی عرصہ دراز سے صفائی نہ کی گئی جس کی وجہ سے نالے سے پانی اُبل کر سڑکوں پر نکل آنے سے تعفن،بدبو کی وجہ سے سڑک سے گزرنے والوں کا جینا محال ہو گیا ہے محلہ دلیکی ،ماڈل ٹائون ،ارییگیشن کالونی و دیگر محلے کے مکینوں نے چئیرمین میونسپل کمیٹی سے مطالبہ کیا ہے کہ اس سڑک کے ساتھ گزرنے والے نالے کی صفائی کی جائے تاکہ عوا م کی مشکلات کا ازالہ ہو سکے۔ گندگی کی وجہ سے علاقائی مکینوں میں طرح طرح کی بیماریاں پھیل رہی ہیں ۔