عابد علی نے دوسرے ٹیسٹ میچ کیلئے دعائوں کی اپیل کر دی 

لاہور(سپورٹس رپورٹر)چٹاگانگ ٹیسٹ میں بنگلہ دیش کیخلاف شاندار اننگز کھیلنے والے قومی کرکٹر عابد علی نے دْعاؤں کی اپیل کردی۔عابد علی نے اپنے آفیشل ٹوئٹر اکاؤنٹ پر پاکستان کرکٹ بورڈ کا ٹوئٹ شیئر کیا جس میں بورڈ کی جانب سے کرکٹر کی تصویر شیئر کی گئی تھی۔پی سی بی نے ٹوئٹر پر عابد علی کی تصویر شیئر کرتے ہوئے اْن کی پرفارمنس کی تعریف کی تھی۔اب عابد علی نے وہی ٹوئٹ اپنے اکاؤنٹ پر شیئر کرتے ہوئے لکھا کہ ’اللہ تعالیٰ جسے چاہتا ہے عزت عطا فرماتا ہے۔عابد علی نے اپنی اور پاکستان کی کامیابی پر اللہ تعالیٰ کا شْکر بھی ادا کیا۔اْنہوں نے شائقینِ کرکٹ سے مخاطب ہوتے ہوئے کہا کہ ’آپ سے دعاؤں کی درخواست ہے۔عابد علی نے پاکستان زندہ باد کا نعرہ بھی لگایا۔