ویسٹ انڈیزکرکٹ ٹیم کے دورہ پاکستان کیلئے سکیورٹی پلان تیار

لاہور(سپورٹس رپورٹر)ویسٹ انڈیز کرکٹ ٹیم کے دورہ پاکستان کے حوالے سے سکیورٹی پلان تیار کرلیا گیا ہے، سکیورٹی پلان ایس ایس یو ہیڈ کوارٹرز میں ہوئے اجلاس میں تیار کیا گیا۔پولیس کا کہنا ہے کہ اجلاس کی صدارت ڈی آئی جی سکیورٹی اینڈ ایمرجنسی سروسز ڈویژن مقصود احمد نے کی، اجلاس میں رینجرز، پولیس ، آرمی، رینجرزاور پی سی بی کے سینئر افسران اور تمام سٹیک ہولڈرز نے شرکت کی۔ڈی آئی جی مقصود احمد کا کہنا ہے کہ میچز کے دوران 800 ایس ایس یو کمانڈوز سمیت 1500 سے زائد اہلکار ڈیوٹی دینگے جبکہ ماہر نشانہ باز بھی حساس مقامات پر تعینات کیے جائیں گے۔سپیشلائزڈ کمانڈ اینڈ کنٹرول بس سٹیڈیم کے اطراف نگرانی کیلئے نیشنل سٹیڈیم پر ہوگی۔ تماشائیوں کو پارکنگ پوائنٹس سے نیشنل سٹیڈیم تک شٹل بس سروس فراہم کی جائیگی۔واضح رہے کہ 13 دسمبر کو پاکستان ویسٹ انڈیز کے درمیان پہلا ٹی 20 میچ کھیلا جائیگا ،ویسٹ انڈیز کیخلاف سیریز میں 3 ٹی ٹونٹی اور 3 ون ڈے میچز شامل ہیں۔