قلعہ دیدار سنگھ (نامہ نگار) اخبار فروش یونین کے ساتھ مل کر علاقہ بھر میں سرکولیشن کو بہتر  سے بہتر کریں گے۔ان خیالات کا اظہار چوہدری حسیب آصف پندھیر نمائندہ نوائے وقت اور ایجنسی ہولڈر نے اخبار فروش یونین  قلعہ دیدار سنگھ کے عہدیداران میں سرپرست محمد ناصر بھٹی صدر محمد اصغر جنرل سکریٹری مہر اسلم فنانس سیکرٹری ملک فیاض سے ملاقات میں کیا۔انہوں نے کہا کہ نوائے وقت عوام کے دلوں میں ہے پڑھے لکھے اور سلجھے ہوئے عوام کو مزید قریب کرنے کے لیے ہر ممکن اقدامات اور بہتر ترسیل کریں گے اخبار فروشوں کو بھی اخبار کی بہتر تقسیم کے لئے سہولیات فراہم کریں گے گزشتہ روز اخبار فروش یونین سے ملاقات میں طے کیا گیا کہ گھر گھر اخبار پہنچانے کے لیے ٹائم اور پابندی کو مزید بہتر کریں گے قائدین اخبار کو کسی قسم کی بلا وجہ تکلیف نہیں ہوگی۔مزید فیصلہ کیا گیا کہ اخبار فروش یونین کے حقوق کا بھی تحفظ کیا جائے گا اور ان کے ساتھ ہر ممکن تعاون کیا جائے گا۔