علی پورچٹھہ(نامہ نگار ) عوامی خدمت کا مشن جاری رہے گا لوگوں کے مسائل حل کر کے دلی سکون ملتا ہے یہ بات میونسپل کمیٹی کے کونسلر اور تحریک انصاف علی پورچٹھہ کے سیکرٹری وقار احمد چٹھہ نے صحافیوں سے گفتگو کرتے ہوئے کہی انہوں نے کہا کہ ہمارے لیڈر چوہدری محمد احمد چٹھہ اربوں کے کام کرا رہے ہیں جس سے علاقے کی ترقی میں انقلاب برپا ہو گا قادرآباد سے گوجرانوالہ روڈ جو کہ ایک میگا پراجیکٹ ہے پر کام تیزی سے جاری ہے یہ خستہ حال روڈ  مدت سے عوام کیلئے سردرد بنا ہوا تھا  جو اب جلد ہی مکمل ہو جائے گی جبکہ وزیر آباد تا کوٹ ہرا روڈ پر بھی کام جاری ہے اس کا جو حصہ رہ گیا اس کا ٹینڈر بھی منظور ہو چکا اور ان تمام ترقیاتی کاموں میں وزیراعلی پنجاب کا مکمل تعاون چوہدری محمد احمد چٹھہ کوحاصل ہے انہوں نے کہا کہ سیاست میں حصہ لیتے وقت خود سے یہ عہد کیا تھا کہ صرف عوام کی خدمت کرنی ہے جس پر آج بھی کاربند ہوں۔