جنیوا (شِنہوا)بین الاقوامی اولمپک کمیٹی(آئی او سی )نے اولمپک سرمائی گیمز  بیجنگ 2022 میں  اولمپک میڈیا  کے حقوق رکھنے والے سرکاری اداروں کو  ایوارڈز سے نوازا ہے۔ان میں شراکت کی 9 درجہ بندیوں میں سے چائنہ میڈیا گروپ نے چار ایوارڈز جیت لیے  ہیں۔چائنہ میڈیا گروپ نے  بہترین اولمپک پروگرام اور سب سے زیادہ پائیدار آپریشن  کے لیے سونے کا تمغہ اپنے نام کیا۔ اس کے علاوہ  بہترین  جدت ، سیٹ ڈیزائن اور بہترین آن ایئر تشہیر کے لیے چاندی کے تمغے حاصل کیے۔بین الاقوامی اولمپک کمیٹی کے صدر تھامس باخ نے ایک نیوز ریلیز میں کہا کہ یہ ایوارڈز  ان  تخلیقی صلاحیتوں، جذبے اور جدت  کا اعتراف کرتے ہیں جو ہمارے میڈیا کے حقوق رکھنے والے اولمپک کھیلوں  کا جادو اپنے سامعین کے ساتھ شریک  کرتے وقت ظاہر کرتے ہیں۔