اسلام آباد (رانا فرحان اسلم/سپورٹس رپورٹر) ٹیسٹ سیریز راولپنڈی ٹیسٹ کیلئے تیار پچ نے پاکستانی باؤلرزکے چھکے چھڑوا دیئے انتظامیہ کی ناقص حکمت عملی کے باعث ٹیسٹ میچ کے پہلے روز انگلینڈ ٹیم پانچ سو سے زائد سکور بنانے میں کامیاب، باؤلرز بری طرح فیل نظر آئے، کرکٹ ایکسپرٹس کی جانب سے بھی پی سی بی انتظامیہ پر بھی شدید تنقید کی گئی۔ ہوم گراؤنڈ ہونے کے باوجود پچ کی تیاری میں ناقص حکمت عملی اپنائی گئی جس کی وجہ سے پاکستانی باؤلرز انگلش بیٹنگ کے سامنے ڈھیرہوگئے ٹیسٹ میچ میں پہلے دن کی کارکردگی نے پاکستانی شائقین کرکٹ کو بھی مایوس کیا ہے۔ دوسری انگلینڈ ٹیم کے بیٹنگ کی جانب سے بہترین پرفارمنس پر پاکستانی سابق کرکٹرز سمیت تمام نے سراہا ہے۔ دوسری جانب قومی ٹیم کے سابق فاسٹ باؤلر شعیب اختر نے سوشل میڈیا اکاؤنٹ پر تبصرہ کیا ہے کہ پنڈی ٹیسٹ کے پہلے روز انگلش بیٹنگ کی پاکستان کے خلاف شاندار کارکردگی کو سراہا ہے۔