گولڈ میڈلسٹ اولمپیئن ارشد ندیم  کہنی کے علاج کیلئے انگلینڈ روانہ

لاہور(سپورٹس رپورٹر)کامن ویلتھ گیمز کے گولڈ میڈلسٹ اولمپیئن ارشد ندیم کہنی کے علاج کیلئے انگلینڈ روانہ ہوگئے، ڈاکٹرز کی ٹیم اولمپئین ارشد ندیم کے علاج کی نگرانی کریگی۔اولمپیئن ارشد ندیم گزشتہ برس اولمپکس میں کہنی کی انجری کا شکار ہوئے تھے، علاج کے بعد ارشد ندیم ورلڈ اتھلیٹکس چیمپئن شپ اور ایشین چیمپئن شپ 2023 میں حصہ لینگے۔ارشد ندیم نے کہا ہے کہ 2023 ورلڈ اتھلیٹکس اور پیرس اولمپکس سے پہلے کہنی کا علاج کروارہا ہوں، کہنی کی درد سے چھٹکارا حاصل کر کے تیاری شروع کردوں گا۔اتھلیٹکس فیڈریشن کا شکرگزار ہوں جو مجھے علاج کیلئے بھیج رہی ہے۔