پاکستان سپر لیگ 8 افتتاحی تقریب پہلی بارملتان میں ہوگی 

لاہور(سپورٹس رپورٹر)پاکستان سپر لیگ کے 8 ویں ایڈیشن کا آغازکراچی یا لاہور سے نہیں بلکہ پہلی بار ملتان سے ہوگا۔ذرائع کے مطابق  پی ایس ایل کی افتتاحی تقریب پہلی مرتبہ ملتان میں ہوگی جبکہ 8 ویں ایڈیشن کا پہلا میچ دفاعی چیمپئن لاہور قلندرز اور فائنلسٹ ملتان سلطانز کے درمیان کھیلا جائیگا۔ذرائع کا کہنا ہے کہ پی ایس ایل کا فائنل قذافی سٹیڈیم لاہور میں کرانے کی تجویز ہے تاہم ٹورنامنٹ کے باقاعدہ شیڈول کا اعلان فرنچائزز سے مشاورت کے بعد کیا جائیگا۔پی ایس ایل کے میچز لاہور، کراچی، ملتان اور راولپنڈی میں کھیلے جائیں گے۔ پی ایس ایل کیلئے ٹیمیں 9 فروری کو اکٹھی ہوں گی جبکہ میچز کا آغاز 13 فروری اور فائنل 19 مارچ کو کھیلا جائے گا۔