لاہور(سپورٹس رپورٹر)پاکستان سپر لیگ کی ٹیم لاہور قلندرز کی انتظامیہ نے فاسٹ بائولر حارث رؤف کو انٹرنیشنل ٹیسٹ ڈیبیو کرنے پر مبارکباد دی ہے۔لاہور قلندرز کے سی ای او عاطف رانا نے کہا کہ حارث رؤف محنتی کرکٹر ہے جسے محنت کا پھل مل رہا ہے۔نوجوان کھلاڑیوں کو پلیٹ فارم مہیا کرتے رہیں گے، ہمارے ہیرو اور فخر کو ڈھیروں مبارکباد۔لاہور قلندرز کے سی او او ثمین رانا نے کہا کہ قلندرز فیملی اور فینزکیلئے یہ ایک قابل فخر لمحہ ہے۔ ٹیسٹ کرکٹ میں بھی اچھا کرنے کیلئے نیک خواہشات حارث رؤف کے ساتھ ہیں۔