”الحمراءلائیو“ میں نصرت فتح علی ،نور جہاں کی غزلوں کی دھوم 

لاہور ( کلچرل رپورٹر) الحمراءکلچرل کمپلیکس قذافی سٹیڈیم میں ”الحمراءلائیو“ کا انعقاد کیا گیا۔الحمراءلائیو میں کسی نے نصرت فتح علی خان تو کسی نے میڈیم نور جہاں کی گائی ہوئی غزلیں سنائیں۔ گلوکارہ عینی طاہرہ نے پروگرام میں خصوصی شرکت کی اور اپنے فن کا مظاہر ہ کیا۔ایگزیکٹوڈائریکٹر الحمراءذوالفقار علی زلفی نے کہا کہ یہی سے نئے نئے گلوکار پید ا ہوکر اپنے پرانے ہم عصروں کی جگہ لیں گے،موسیقی میں ہمار ا ماضی تابناک ہے، اب بھی باصلاحیت نوجوان موسیقی کے شعبے میں آر ہے ہیں۔ذوالفقار علی زلفی نے کہا کہ پروگرامز موسیقی میں نام کمانے والوں کو خراج عقیدت پیش کرنے کا ذریعہ ہے،فنون لطیفہ میں نوجوانوں کے روشن مستقبل کےلئے بھرپور مواقع فرا ہم کر رہے ہیں،پروگرام غزل،فوک،گیت،قوالی،صوفیانہ کلام جیسی اصناف کے فروغ کا باعث ہے،الحمراءکی انہی کاوشوں کی بدولت موسیقی کا مستقبل تابناک دیکھ رہا ہوں۔