ٹیبل ٹینس چیمپئنز لیگ کیلیفورنیا اسٹیج دبنگ  کے نام ،شمسی اکیڈمی کو شکست 

کراچی (اسپورٹس رپورٹر) ٹیبل ٹینس چیمپئنز لیگ کے تیسرا ایڈیشن  کیلیفورنیا اسٹیج دبنگ نے جیت لیا ، فائنل میں کیلوفورنیا دبنگ نے شمسی اکیڈمی چیلنجر کو دو کے مقابلے میں تین پوائنٹس سے شکست دی جبکہ پریمئیر کیبل وارئیرز کی ٹیم اعزاز کا دفاع کرنے میں ناکام رہی۔ چیمپئن لیگ میں شامل  8 فرنچائزز نے گولڈ ، پلاٹینیم اور سلور کیٹیگریز کے 44 پلئرز نے حصہ لیا جن میں لاہور لائینز، کراچی فائٹرز، گوادر چیمپئنز،کیلوفورنیا دبنگ، جی ایف ایس ٹائگرز، شمسی اکیڈمی چیلنجرز، پریمئیر کیبل وارئیرز اور فلک ناز ہاکس کی ٹیمیں شریک تھیں ۔ایونٹ میں سنگل لیگ کے مقابلے بھی منعقد ہوئے مینز سنگل لیگ میں حسیب خان پہلے فہد خان دوسرے اور شاہ خان تیسرے پر رہے لیڈیز سنگل لیگ میں پرنیہ خان پہلے، حور فواد دوسرے اور حائقہ حسن تیسری پوزیشن پر آئیں، لیگ میں شامل بہترین کھلاڑیوں کا انتخاب بھی عمل میں آیا سنگل لیگ کے کامیاب کھلاڑیوں کو ساؤتھ ایشین گیمز کیلئے منتخب کرلیاگیا ہے۔میڈیا کوارڈینیٹر کاشف احمد فاروقی نے مزید بتایاہے کہ ساؤتھ ایشین ٹیبل ٹینس چیمپئن شپ رواں ماہ نیپال میں کھیل جانی ہے جو 8 دسمبر سے 16 دسمبر تک شیڈول ہے قومی ٹیبل ٹینس کا دس رکنی دستہ میگا ایونٹ میں شرکت کرے گا۔