ملتان سمیت جنوبی پنجاب میں ریونیو عوامی خدمت کچہریوں کا انعقاد

ملتان‘ وہاڑی‘ میلسی‘ قطب پور‘ جلالپور پیروالا ، میاں چنوں(سماجی رپورٹر‘ نمائندوں سے) پنجاب حکومت کی ہدایت پر ملتان ‘ وہاڑی‘ خانیوال ‘ میلسی‘ قطب پور و دیگر شہروں میں ریونیو عوامی خدمت کچہریوں کا انعقاد کیا گیا ریونیو افسران نے عوامی شکایات سن کر موقع پر احکامات جاری کئے ضلعی انتظامیہ کے تمام ریونیو افسران ایک چھت تلے موجود رہے ایڈیشنل ڈپٹی کمشنر ریونیو رضوان نذیر نے افسران کے ہمراہ شہریوں کے مسائل سنے وہاڑی میں ڈپٹی کمشنر صفدر حسین میلسی میں اسسٹنٹ کمشنر کامران افضل دنیا پور میں اسسٹنٹ کمشنر شیخ رضوان الحق نے فرد ملکیت کے حصول‘ ڈومیسائل‘ رجسٹری‘ انتقالات‘ ریکارڈ درستگی و دیگر مسائل سن کر حل کے احکامات جاری کئے۔