ہم سب کی پہلی ترجیح الیکشن لڑنا نہیں،ن لیگ کو مضبوط ہونا چاہیئے ،افتخار وارثی 

 کلرسیداں(نامہ نگار)مسلم لیگ ن کے رہنما سابق رکن پنجاب اسمبلی چوہدری افتخار احمد وارثی نے کہا ہے کہ ہم سب کی پہلی ترجیح الیکشن لڑنا نہیں مسلم لیگ ن کو مضبوط بنانا ہونا چاہیئے ملک کو خطرات اور ڈیفالٹ سے بچانا موجود حکومت کا بڑا کارنامہ ہے جس کا اعتراف نہ کرنا زیادتی ہوگی۔ انہوں نے کلرسیداں میں میڈیا سے گفتگو کرتے ہوئے کہا کہ عمران خان نے نوجوانوں کے اذھان میں مسلسل جھوٹ بھول کر زہر گھولا ہے عمران خان اپنے اقتدار کی چار سالہ کارکردگی بیان کریں انڈوں مرغوں اور پناہ گاہوں کے علا¶ہ لوگوں کو گھروں کے نام پر بے گھر کرنے کے سوا کچھ اور نہیں کیا مخالفین کی تذلیل کی گئی ،سیاست میں برداشت اور رواداری کے کلچر کو یکسر گالم گلوچ میں تبدیل کیا گیا جو ان کے صفوں میں چلا جائے وہ پاک دامن کہلاتا ہے ۔