اصحاب کہف(۲) 

اور تم ان کو خیال کرو گے کہ وہ جاگ رہے ہیں حالانکہ کہ وہ سوتے ہیں اور ہم ان کی دائیں اور بائیں طرف کروٹ بدلاتے تھے اور ان کا کتا چوکھٹ پر دونوں ہاتھ پھیلائے ہوئے تھا اگر تم ان کو جھانک کر دیکھتے تو پیٹ پھیر کر بھاگ جاتے اور اس سے دہشت میں آجاتے۔
اگر وہ تم پر اپنی دسترس پالیں گے تو تمہیں سنگسار کر دیں گے یا پھر اپنے مذہب میں داخل کر لیں گے اور اس وقت تم کبھی فلاح نہیں پاؤ گے۔ اور اسی طرح ہم نے (لوگوں کو ) ان (کے حال) سے خبر دار کر دیا۔تا کہ وہ جانیں کہ خدا کا وعدہ سچا ہے اور یہ کہ قیامت (جس کا وعدہ کیا جاتا ہے ) اس میں کچھ شک نہیں۔ اس وقت لوگ ان کے بارے میں باہم جھگڑنے لگے کہ ان (کے غار ) پر عمارت بنا دو ان کا پروردگار ان کے حال سے خوب واقف ہے۔ جو لوگ ان کے معاملے میں غلبہ رکھتے تھے وہ کہنے لگے کہ ہم ان کے غار پر مسجد بنائیں گے۔
اب کہیں گے کہ وہ تین تھے اور چوتھا ان کا کتا تھا اور کچھ کہیں گے کہ وہ پانچ تھے اور چھٹا ان کا کتا تھا۔اور کچھ کہیں گے کہ وہ سات تھے اور آٹھواں ا ن کا کتا تھا۔ تم فرماؤ کہ میرا رب ان کی گنتی خوب جانتا ہے۔ ان کے بارے میں بحث نہ کرو مگر اتنی ہی بحث جو ظاہر ہو چکی اور ان کے بارے میں کسی کتابی سے نہ پوچھو۔
اور ہر گز کسی بات پر یہ نہ کہنا کہ میں کل یہ کر دوں گا۔ اور یہ کہ اللہ چاہے اور اپنے رب کو یاد کر وجب تم بھول جاؤاور یوں کہو کہ قریب ہے میرا رب۔ مجھے اس سے نزدیک تر راستے کی راہ دکھا دے۔ اور اصحاب کہف اپنے غار میں تین سو نو سال ٹھہرے رہے۔ تم فرماؤ اللہ خوب جانتا ہے وہ جتنا ٹھہرے اسی کے لیے ٹھہرے۔ آسمانوں اور زمینوں کے سب غیب وہ کیا ہی دیکھتا اور کیا ہی سنتا ہے۔ اس کے سوا ان کا کوئی والی نہیں اور وہ اپنے حکم میں کسی کو شریک نہیں کرتا۔ 
اور اسی طرح ہم نے ان کو اٹھایا تا کہ آپس میں ایک دوسرے سے دریافت کریں ایک کہنے والے نے کہا تم (یہاں )کتنی مدت رہے ؟ انہوں نے کہا ایک دن یا اس سے بھی کم۔ انہوں نے کہا جتنی مدت تم رہے ہو تمہارا پروردگار ہی خوب جانتا ہے تو اپنے میں سے کسی کو روپیہ دے کر شہر بھیجو وہ دیکھے کہ نفیس کھانا کون سا ہے تو اس میں سے کھانے لے آئے اور آہستہ آہستہ آئے جائے اور تمہارا حال کسی کو نہ بتائے۔(سورةکہف )۔