پاکستانی تن ساز احسن اسلم نے تھائی لینڈ میں گولڈ میڈل جیت لیا 

لاہور(سپورٹس رپورٹر) پاکستانی تن ساز احسن اسلم نے تھائی لینڈ میں منعقدہ ایونٹ میں مینز فزیک میں گولڈ میڈل اپنے نام کرلیا ۔ تھائی لینڈ میں منعقد چیمپئن شپ میں دنیا بھر سے 800 سے زائد اتھلیٹس نے حصہ لیا دو ماہ قبل بھی پاکستانی اتھلیٹ نے امریکہ میں گولڈ میڈل جیت کر قومی پرچم سربلند کیا تھا ۔احسن اسلم کے مطابق اپنی مدد آپ کے تحت وہ بین الاقوامی مقابلوں میں حصہ لے رہا ہے۔