لاہور(لیڈی رپورٹر) گورنمنٹ گریجوایٹ کالج برائے خواتین گلبرگ لاہور کالج گراونڈ میں سالانہ فن فیئر کا انعقاد کیا گیا جس میں امسال ریٹائر ہونیوالے اساتذہ نے بطور مہمان اعزاز شرکت کی۔ گلبرگ کالج کے ایڈ من گراونڈ میں رنگارنگ سٹالز لگانے گئے۔ طالبات کی کثیر تعدادنے نے جھولوں میں بیٹھ کرفن فیئر کا لطف دوبالا کیا۔ پرنسپل ڈاکٹر نگہت ناہید ظفر نے وائس پرنسپل اور معزز مہمانوں کیساتھ تمام سٹالز کا دورہ کیا۔ طالبات نے فن فیئر میں لگانے گئے سٹالز کو بہت پسند کیا۔ فوڈ سٹالز پر ان کی موجودگی اس کا بین ثبوت تھی ہر طرف میلے کا سا سماں تھا اودے اودے نیلے نیلے پیراہن ہر سمت لہرا رہے تھے۔ فن فیئر کے اس پروگرام کی نظامت کے فرائض ڈاکٹر عاصمہ راؤڈاکٹر شائستہ حسن، نے انجام دئیے۔