شمالی وزیرستان:پولیس کی استعداد بڑھانے کیلئے خصوصی ٹریننگ کا انعقاد

پاک فوج کی جانب سے شمالی وزیرستان میں پولیس کی استعداد بڑھانے کیلئے خصوصی ٹریننگ کا انعقاد کیا گیا۔تفصیلات کے مطابق میرانشاہ میں شمالی وزیرستان میں پاک فوج کی جانب سے شمالی وزیرستان پولیس کی استعداد بڑھانے کیلئے خصوصی 5 روزہ ٹریننگ کا انعقاد کیا گیا، ٹریننگ کا مقصد پولیس کی تکنیکی استعداد اور پیشہ ورانہ مہارت کو بڑھانا ہے۔ پولیس کی جانب سے جوانوں کو مختلف چھوٹے بڑے ہتھیار اور ہینڈ گرنیڈ کے استعمال کے ساتھ ساتھ رات کی تاریکی میں فائرنگ کرنے کی تربیت بھی دی گئی، بم ڈسپوزل، وی آ ئی پی پروٹیکشن اور اور چلتی گاڑی سے فائرنگ کی مشقیں بھی ٹریننگ کا حصہ رہیں۔تربیت یافتہ پولیس کے جوانوں نے پاک فوج کی جانب سے دی گئی ٹریننگ کو دہشتگردوں کے خلاف کاروائیوں میں موثر قرار دیا۔