لاہور (سپورٹس رپورٹر) 32ویں نیشنل جونیئر ہاکی چیمپئن شپ 2013ءکے سلسلے میں ہاکی سٹیڈیم فیصل آباد میں گذشتہ روز چار میچ کھیلے گئے۔ پہلا میچ پی آئی اے اور کے پی کے کے درمیان کھیلا گیا جس میں پی آئی نے کے پی کے کو صفر کے مقابلہ میں گیارہ گول سے شکست دی۔ دوسرا میچ ہائرایجوکیشن کمیشن اور بلوچستان کے درمیان کھیلا گیا۔ یہ میچ ہائرایجوکیشن کمیشن نے ایک گول کے مقابلے میں اٹھارہ گول سے جیت لیا۔ تیسرا میچ پاکستان کسٹم اور اسلام آباد کے درمیان کھیلا گیا جس میں کسٹم نےاسلام آباد کو آٹھ ایک سے شکست دی جبکہ چوتھا میچ نیچنل بنک اور پنجاب کلر کے درمیان کھیلا گیا جس میں نیشنل بینک نے پنجاب کلر کو 3-1 سے شکست دے دی۔