بلاول حادثاتی سیاستدان، تقریر لکھنے والے انہیں مطلب بھی سمجھائیں، خطاب بچے کی دھمکیاں ہیں: مراد سعید، خرم شیرزمان

اسلام آباد (آن لائن) وفاقی وزیر برائے مواصلات و پوسٹل سروسز مراد سعید نے کہا ہے کہ بلاول بھٹو حادثاتی سیاستدان ہیں وہ دودھ کے دانت گرنے سے پہلے ہی کمپنیوں کے شیئرز میں بلاول بھٹو کے بیان پر ردعمل دیتے ہوئے مراد سعید نے کہا ہے کہ ان کیلئے تقریر لکھنے والے پہلے انہیں اس کا مطلب سمجھائیں باپ بیٹا پرچی لئے پھرتے ہیں کہ ہمیں وراثت میں پارٹی کی چیئرمین شپ ملی ہے۔ وہ یونیورسٹی میں بیٹھے وراثت میں حکومت ملنے کا انتظار کررہے تھے اس وقت عمران خان اور میرے جیسے کارکن پاکستان بدلنے کی جدوجہد کررہے تھے جو ایک سال میں کمپنیوں کا مالک بن جائے اسے اپنے والد سے پوچھنا چاہیے کہ ان کے پاس پیسہ کہاں سے آیا مراد سعید نے کہا کہ سندھ میں ان کی حکومت ہونے کے باوجود چار ہزار سکول بند ہوچکے ہیں سندھ میں تعلیم کے بجٹ کا حساب کون دے گا۔ تحریک انصاف کراچی خرم شیر زمان نے کہا ہے کہ روٹی، کپڑا اور مکان کا نعرہ پرانا ہوچکا ہے۔ پیپلزپارٹی 11 سال سے لالی پاپ دے کر کام چلا رہی ہے۔ بلاول کی تقریر معصوم بچے کی گیدڑ بھبکیوں سے زیادہ کچھ نہیں۔